Ադրբեջանի սիմվոլը Ռամիլ Սաֆարովն է. Շավարշ Քոչարյան
Ադրբեջանական կողմից ոչ մի լավ բան պետք չէ սպասել. լրագրողների հետ զրույցում նման տեսակետ հայտնեց ՀՀ ԱԳ փոխնախարար Շավարշ Քոչարյանը՝ մեկնաբանելով Ադրբեջանի կողմից հայկական ուղղաթիռի խոցման քայլին:
Անդրադառնալով Ադրբեջանի պաշտոնյայի հայտարարությանը, թե խոցված ուղղաթիռի անձնակազմի երեք անդամների դիերը թույլ կտան վերցնել, եթե հարկ համարեն` Շավարշ Քոչարյանն ասաց, որ այդ երկրի դեպքում սովորական հարևան հասկացությունն անընդունելի ու անհասկանալի է:
«Մենք գործ ունենք տեռորիստական պետության հետ: Ադրբեջանի սիմվոլը Ռամիլ Սաֆարովն է»,- ասաց նա:
Հիշեցնենք, որ Ադրբեջանի Ռազմագերիների, պատանդների և անհետ կորածների հարցերով պետական հանձնաժողովի աշխատանքային խմբի ղեկավար Ֆիրուդին Սադըգովը հայտարարել է, որ եթե Ադրբեջանը հարկ համարի, ապա թույլ կտա վերցնել խոցված ուղղաթիռի օդաչուների դիերը:










