Վրաստանի վարչապետը 2015թ.-ի սկզբին կմեկնի Ուկրաինա
Վրաստանի վարչապետ Իրակլի Ղարիբաշվիլիի այցը Կիև կկայանա 2015թ.-ի սկզբին, այդ մասին հայտարարել է Վրաստանի արտգործնախարար Թամար Բերուչաշվիլին:
Ինչպես տեղեկացնում է Грузия online-ը, Բրյուսելում գտնվող Բերուչաշվիլին լրագրողներին ասել է, որ Վրաստանն ու Ուկրաինան ռազմավարական գործընկերներ ու բարեկամական երկրներ են:
Բերուչաշվիլին նշել է, որ մինչև Ղարիբաշվիլիի՝ Կիև կատարելիք այցը, այնտեղ են մեկնելու Վրաստանի կառավարության մի շարք անդամներ:
«Մեր նպատակն է ակտիվացնել ու խորացնել բարեկամական հարաբերությունները Վրաստանի և Ուկրաինայի միջև»,-ասել է նախարարը:










