Ֆիլիպիններում թայֆունի պատճառով 1 մլն մարդ է տարհանվել
Ֆիլիպինների իշխանությունները երկրի առափնյա շրջաններից ավելի քան 1 մլն մարդ են տարհանել՝ հուժկու թայֆունի պատճառով. տեղեկացնում է gazeta.ru-ն:
ՄԱԿ-ի տվյալներով, այս տրահանումն աշխարհում ամենախոշորներից է:
«Հագուփիթ» թայֆունը արմատախիլ է արել ծառեր և հանգեցրել է հաղորդակցման բոլոր ուղիների խափանման: Առանց էներգամատակարարման է մնացել Ֆիլիպինների Սամար կղզին գրեթե ամբողջությամբ, ինչպես նաև հարևան Լեյթ նահանգը:
Տեղական ռադիոն հաղորդել է երկու զոհի մասին, սակայն այդ տվյալը դեռ չի հաստատվել:
«Այս փոթորիկը շատ ուժեղ է և կարող է ավերածությունների հանգեցնել »,- ասել է օդերևութաբան Ալվին Պուրան:
Ավելի վաղ հաղորդվել է Ֆիլիպինների 500 հազար բնակչի տարհանման մասին:










