Բաթումի առևտրի կենտրոնում հրդեհի հետևանքով 2 մարդ է մահացել. ԶԼՄ-ներ

11:40 • 08.12.14

Վրացական Բաթում քաղաքի պիրոտեխնիկայի վաճառքի կենտրոնում բռնկված հրդեհի հետևանքով 2 մարդ է մահացել, հայտնում է ՏԱՍՍ գործակալությունը՝ հղում անելով վրացական ԶԼՄ-ներին։

 

Նրանց տվյալներով՝ մահացածներն ամուսիններ են, ովքեր աշխատել են շինությունում։ Նրանց մահվան հանգամանքները դեռևս անհայտ են։ Համաձայն վարկածներից մեկի՝ նրանք չեն հասցրել ժամանակին լքել շինությունը։ Ոստիկանությունը սկսել է ողբերգության հանգամանքների հետաքննությունը։

 

Բաթումի հակահրդեհային ծառայության ներկայացուցիչները հայտնել են, որ հրդեհման տարածքը հասել է 500 քմ-ի։ Կրակը հանգցնելու աշխատանքներն իրականացրել է մի քանի տասնյակ մարտական հաշվարկ։