Նոր Զելանդիայում զբոսանավի 200 ուղևոր աղիքային գրիպով է վարակվել

10:13 • 08.12.14

Նոր Զելանդիայում զբոսանավի շուրջ 200 ուղևոր աղիքային գրիպով է վարակվել, տեղեկացնում է gazeta.ru-ն:

 

Միջադեպը տեղի է ունեցել Princess Cruises նավի վրա, որը գտնվել է 13-օրյա ճանապարհորդության մեջ: Նշվում է, որ ուղևորները մեկուսացվել են և գտնվում են բժիշկների հսկողության տակ:

 

Անձնակազմի անդամները ևս ստուգում են անցել: Նավում ախտահանում է իրականացվել:

Առողջապահության շրջանային տեսուչի խոսքով՝ ներկայում վարակն սկսել է մարել: