Մոսկովյան պոլիկլինիկայում ծեծելով սպանել են մի հիվանդի
Մոսկվայի հյուսիս-արևելքում գտնվող պոլիկլինիկաներից մեկում վիճաբանության ընթացքում ծեծելով սպանել են մի տղամարդու, գրում է lenta.ru-ն՝ իրավապահներին հղումով։
Ոստիկանությունը պարզել է, որ վնասվածքները 60-ամյա բնակիչը ստացել է դեկտեմբերի 2-ին անհայտ անձի հետ կռվի բռնվելու հետևանքով։
Ըստ նախնական տվյալների՝ դեպքը տեղի է ունեցել թիվ 43 պոլիկլինիկայում՝ բժշկի սպասող հերթում։
Տուժածին հիվանդանոց են տեղափոխել գլխի ծանր վնասվածքներով։ Նա մահացել է՝ գիտակցության չգալով։
Ոստիկանությունն այժմ փնտրում է բնակչի վրա հարձակված անձին, ինչպես նաև որոշվում է քրեական գործ հարուցելու հարցը։










