Ստոկհոլմի օդանավակայանի միջազգային տերմինալից բոլոր ուղևորները տարհանվել են
Շվեդիայի մայրաքաղաքի Արլանդայի օդանավակայանի միջազգային տերմինալի երկու գոտիներից ուղևորները տարհանվել են։ Պատճառն այսօր առավոտյան ոստիկանություն ստացված պայթյունի սպառնալիքի մասին ահազանգն է եղել:
Ահազանգի հայտարարությունից հետո SAS ավիաընկերության Ստոկհոլմ-Հելսինկի չվերթի ուղևորները ստիպված են եղել լքել օդանավը:
Ինչպես բացատրել են Ստոկհոլմի ոստիկանության ներկայացուցիչները, վտանգը վերաբերում է ուղևորատար ինքնաթիռներից մեկին: Իրավապահները մանրամասներ չեն հաղորդում:
Արլանդան Շվեդիայի ամենախոշոր միջազգային օդանավակայանն է:










