Պարսից ծոցի երկրները միասնական բանակ, ռազմական նավատորմ ու ոստիկանություն կստեղծեն

08:23 • 10.12.14

Պարսից ծոցի պետությունները Դոհայում տեղի ունեցած գագաթնաժողովի ընթացքում պայմանավորվել են ամրապնդել անվտանգության ոլորտում համագործակցությունն ու ստեղծել ռազմածովային ուժեր, ընդհանուր ոստիկանություն. տեղեկացնում է РИА Новости գործակալությունը:

Համապատասխան կետերը ներառվել են հանդիպման ամփոփիչ փաստաթղթում:

 

Պարսից ծոցի արաբական պետությունների համագործակցության խորհրդի մեջ ներառված են Արաբական թերակղզու բոլոր 6 թագավորությունները՝ Սաուդյան Արաբիան, Քուվեյթը, Բահրեյնը, Կատարը, Օմանն ու Արաբական Միացյալ Էմիրությունները:

 

 «Ռազմական համագործակցությունն ամրապնդելու նպատակով խորհուրդն ստեղծում է ընդհանուր ռազմածովային ուժեր, որի բազան գտնվելու է Բահրեյնի թագավորությունում»,- ասել է խորհրդի գլխավոր քարտուղար Աբդել Լաթըֆ ազ-Զայանին՝ ներկայացնելով ամփոփիչ հայտարարությունը:

 

Բացի այդ, արաբական միապետները հաստատել են պաշտպանության նախարարությունների առաջարկը՝ միասնական ռազմական հրամանատարություն ստեղծելու վերաբերյալ, որի շտաբը կգտնվի Էր-Ռիադում: