Իրանում Ղուրանի թարգմանության հարցով միջազգային համաժողով կանցկացվի
Իրանի Ալամմե Թաբաթաբայիի անվան համալսարանը դեկտեմբերի 16-ին և 17-ին կհյուրընկալի Ղուրանի թարգմանության հարցով միջազգային համաժողովը, գրում է tehrantimes.com-ը։
Դրան կմասնակցեն Չինաստանից, Ադրբեջանից, Իրաքից, Պակիստանից, Թուրքիայից, Ֆրանսիայից, Ռուսաստանից և Իսպանիայից թարգմանիչներ, ասվում է մամուլի հաղորդագրության մեջ։
Համաժողովը կազմակերպել են Ալամմե Թաբաթաբայիի անվան համալսարանն ու Իրանի իսլամական մշակույթի և կապերի կազմակերպությունը։
Քննարկվելու է Ղուրանի հետ կապված շուրջ 70 հարց՝ Ղուրանի թարգմանության անհրաժեշտության, թարգմանությունների ժամանակ կորսված կամ խեղված տեղեկությունների և թույլատրված կամ չթույլատրված թարգմանությունների վերաբերյալ։
Համաժողովի երկու օրերին էլ համալսարանի ցուցասրահներում ներկայացվելու է Ղուրանի տարբեր լեզուներով թարգմանված ավելի քան 150 տարբերակ։
![]()











