Լոնդոնում ինքնասպանություն է գործել մոսկովյան անշարժ գույքի գնման գործում սնանկացած միլիոնատերը (լուսանկարներ, տեսանյութ)
Լոնդոնի կենտրոնում իր բնակարանի պատուհանից նետվելով ինքնասպանություն է գործել 52-ամյա միլիոնատեր Սքոթ Յանգը, ով գումար է կորցրել մոսկովյան անշարժ գույքի շուկայում խոշոր գործարքի հետևանքով։ Ընկերների խոսքով՝ բրիտանացին ծանր ֆինանսական դրության մեջ է եղել և մեծ պարտքեր է ունեցել, գրում է Обозреватель-ը՝ հղում անելով The Daily Mail-ին։
Պարբերականը նշում է, որ հանգուցյալը մտերիմ է եղել մեկ տարի առաջ մահացած ռուս օլիգարխ Բորիս Բերեզովսկու հետ։
Սքոթ Յանգը սկանդալի կենտրոնում էր հայտնվել իր ամուսնալուծության գործընթացի պատճառով։ Միլիոնատիրոջ ընկերները կարծում են, որ նա չէր կարող ինքնասպանություն գործել, և պահանջում են մանրակրկիտ հետաքննություն անցկացնել։ Դատական նիստերից մեկի ժամանակ Յանգը հայտարարել էր, որ փող չունի և իր պարտքը կազմում է 28 մլն ֆունտ ստեռլինգ։
Յանգի ընկերներից մեկը հայտնել է, որ գործարարը միլիոններ է կորցրել Մոսկվայում ինչ-որ խորհրդավոր գործարքի պատճառով։ Տվյալ նախագծի ներդրողներից մեկն էլ եղել է Բերեզովսկին։
















