Սեփական սաունայով և լողավազանով էկոլոգիական առանձնատունը անհրաժեշտից 3 անգամ ավելի շատ էներգիա է արտադրում (լուսանկարներ)

Business Insider-ը ներկայացրել է մոլորակի ամենաարդյունավետ տներից մեկը, որը նախագծվել է այնպես, որ 100 տոկոսով  արտանետումների զրոյական մակարդակ ապահովի:

Տանը մի շարք խելացի հնարքներ ու գաջեթներ են կիրառվել` այն իսկապես էկոլոգիական և շրջակա միջավայրի համար անվտանգ դարձնելու համար:  Այս նախագիծն իրականություն է դարձել Նորվեգիայի «Զրոյական արտանետումներով կառույցների հետազոտական կենտրոնի» և Snøhetta միջազգային ճարտարապետական ընկերության համատեղ ջանքերով:

Պատուհանները ևս այնպես են նախագծված, որ հնարավորինս շատ արևի լույս  ներթափանցի, ինչի շնորհիվ տունը տաք է մնում, մինչ ջերմափոխանակիչները ապահովում են  ծորակի ջրի տաքությունը:
Դիզայներները պնդում են, որ տունը ամեն տարի  19,200 կՎտժ էլեկտրաէներգիա կարտադրի իր արևային վահանակների շնորհիվ, մինչդեռ արևային կուտակիչները, որոնք օգտագործվում են  ջրի տաքացման համար, 4000 կՎտժ տարեկան  էներգիա կկուտակեն: Ընդհանուր հաշվարկով` այնքան էներգիա, որը կբավարարի թեյնիկը 185 000 անգամ եռացնելուն:

Կառույցը տարեկան 7,272 կՎտժ էներգիայի կարիք կունենա, ինչը հավասար է թեյնիկը 58 000 անգամ եռացնելուն: Տունը նաև սաունա և լողավազան ունի: