Jaguar-ը ցուցադրել է իր առաջին «ուլտրասպորտային» քրոսովերը (տեսանյութ)

Jaguar ընկերությունը Դեթրոյթի ավտոսրահի մեկնարկից  մի քանի ժամ առաջ ներկայացրել է իր առաջին քրոսովերի անունը և ներկայացրել նորույթի թիզերը:

Ինչպես հայտնում է Корреспондент-ը` TopGear-ին հղումով,  F-Pace անվանումն ստացած նորագույն  մեքենան ստեղծվել է C-X17 կոնցեպտային մեքենայի ոճով:

Բացի այդ, այն կառուցվել է ալյումինե նոր նախագծով և համալրվել լիաքարշակ համակարգով, ինչպես նաև՝ Jaguar All Surface Progress Control ճանապարհային ծածկույթին հարմարվելու տեխնոլոգիայով:

Ընկերությունում նոր մոդելը ներկայացնում են որպես «ուլտրասպորտային» քրոսովեր` հակադրելով F-Pace-ը արտաճանապարհայինների ավանդույթներին:

Մեքենայի դինամիկան կապահովեն 2 լիտր ծավալով  տուրբո բենզինային  և Ingenium շարքի նոր դիզելային շարժիչները, ինչպես նաև՝ 3 լիտր ծավալով V6 տուրբոշարժիչը: Ավտոարտադրողը չի բացառում հետագայում նաև V8 շարժիչով զինված գերհզոր տարբերակի թողարկումը: