Նոր սերնդի սքաներն ամենայն մանրամասնությամբ բացահայտում է մարդու «ներաշխարհը» (շարժանկարներ)

Ամերիկացի բժիշկները ներկայում փորձարկում են նոր սերնդի GE սքաներները, որոնք ամենայն մանրամասնությամբ բացահայտում են մարդու օրգանիզմը:

Ինչպես նշում է dailymail.co.uk-ը, այս սքաներներն անցնում են իրենց առաջին կլինիկական փորձարկումները: Բժիշկները պատմել են, որ դրանց օգտագործումը շատ ավելի հեշտ ու մատչելի է:

Սարքը լուսային ճառագայթներն անցկացնում է հիվանդի մարմնի միջով, ինչից հետո համակարգիչը վերարտադրում է մարմնի տվյալ մասի հստակ նկարը:

Սքաների հեղինակները նշել են, որ այն կարող է սրտի ամբողջական նկարը վերարտադրել` ընդամենը 1 սրտխփոցի ընթացքում: