Google Translate-ն այժմ կարող է թարգմանել ցուցանակները՝ օգտվելով տեսախցիկից (շարժանկարներ)

Պաշտոնական Google Search բլոգում տեղադրվել է Google Translate-ի նոր հնարավորությունը, որը թույլ է տալիս, օգտվելով տեսախցիկում արտացոլվող պատկերից, թարգմանել ցուցանակներ, նշաններ, ռեստորանի ճաշատեսակների ցանկեր և այլն։

Ցուցանակների թարգմանությունը հասանելի է 36 լեզվով։ Ընդամենը պետք է Google Translate հավելվածը ներբեռնել Android և iOS օպերացիոն համակարգերով աշխատող բջջայիններում և միացնելով տեսախցիկը՝ ուղղորդել այն ցուցանակների վրա։

Google ընկերության նորույթը թույլ է տալիս նաև խոսել մայրենի լեզվով, իսկ Google-ի ծրագիրն այն կթարգմանի և կբարձրաձայնի դիմացինի համար՝ ձեր փոխարեն, գրում է Gizmodo-ն։

Հավելվածով զրուցելու հնարավորությունը հայերենով հասանելի չէ, սակայն, հնարավոր է այն օգտագործել՝ անգլերենից գերմաներեն, ֆրանսերեն, իտալերեն, պորտուգալերեն, ռուսերեն և իսպաներեն բանավոր թարգմանություն կատարելով։