Ապագայի Փարիզը՝ բելգիացի ճարտարապետի պատկերացմամբ (լուսանկարներ)

17:36 • 15.01.15

Բելգիացի ճարտարապետ Վինսենթ Կալեբոն ներկայացրել է նոր նախագիծ՝ Ֆրանսիայի մայրաքաղաքը «կանաչ քաղաքի» վերածելու վերաբերյալ, գրում է Корреспондент-ը։

 

Մասնագետի խնդիրն է ստեղծել էկո-մայրաքաղաքի գլոբալ պլանը՝ պահպանելով քաղաքի բոլոր տեսարժան վայրերը, և կիրառել նոր տեխնոլոգիաներ։

 

Smart City անվանումով աշխատանքը ներկայացվել է Climate Energy գլոբալ պլանի շրջանակում, որի նպատակն է մինչ 2050-ը Փարիզը վերածել էկո-քաղաքի։

 

Բելգիացին առաջարկում է նորացնել սովորական երկնաքերերը՝ ծառեր տնկելով։ Նախատեսվում է այդպիսի շինություններում տեղադրել պասիվ ջեռուցման և հովացման տեխնոլոգիաներ, անձրևաջրերի մշակման համակարգեր և ուղղահայաց այգիներ, որոնք կօգնեն մաքրել օդը։ Բացի այդ, բոլոր շենքերում կլինեն արևային մարտկոցներ։ Ճարտարապետը կարծում է, որ դա թույլ կտա նվազեցնել վառելիքի ծախսերը, էներգիան և, որպես հետևանք, պահպանել բնությունը։