«Կախարդական» ակնոցը կարգավորում է գունային խանգարումներ ունեցողների տեսողությունը (լուսանկար)

Գունային ընկալումների խանգարումներով տառապող մարդկանց համար ստեղծվել է նոր ակնոց, որը հնարավորություն կտա շրջապատը տեսնել իր գույներով:

Ինչպես նշում է dailymail.co.uk-ը, EnChroma ընկերության ստեղծած «կախարդական» ակնոցն արդեն հայտնվել է վաճառքում: Հայտնի է, որ դրա հեղինակը Դոն ՄքՖերսոնն է, ով ակնոցը ստեղծել է ԱՄՆ-ի իշխանությունների ֆինանսավորման շորհիվ:

Նա պատմել է, որ ակնոցը ստեղծել է պատահականության շնորհիվ. լազերային ճառագայթներով աշխատող վիրաբույժների համար նախատեսված պաշտպանիչ ակնոցներ ստեղծելու փոխարեն նա պատրաստել է գունավորող ակնոցներ: Մասնագետը բացատրել է, որ հայտնագործության գաղտնիքը հատուկ ոսպնյակների մեջ է:

Աղբյուրը մանրամասնում է, որ ուսումնասիրությունների արդյունքները վկայում են, որ 300 մլն մարդու 65%-ն ունի գունային ընկալումների հետ կապված խանգարումներ: