Pipo ընկերությունը ներկայացրել է իր W3F պլանշետը (լուսանկարներ)

Չինական Pipo ընկերությունը ներկայացել է իր W3F կոչվող պլանշետը, որը ունի 10,1 դյույմանոց էկրան, գրում է 3dnews.ru-ն։

Սարքի հզորությունը 1,33 ԳՀց է, ունի Intel HD Graphics տեսաբլոկ և 2 ԳԲ օպերատիվ հիշողություն։

Պլանշետը համալրված է WiFi և 3G ցանցերին միանալու հնարավորությամբ։ Սարքը կարող է միանալ ստեղնաշարին և դառնալ մինի նոութբուք։

Սարքն առանց ստեղնաշարի կշռում է 610 գրամ, իսկ ստեղնաշարին միացված վիճակում՝ 960 գրամ։

Այն ունի նաև USB 3.0-ի և MicroSD հնարավորություն՝ լրացուցիչ հիշողության քարտերի կամ կրիչների միացման համար։

Սարքի վրա տեղադրված է Windows 8,1, իսկ արժեքը ԱՄՆ-ում կազմում է 190 դոլար։