LG-ն արտադրելու է գերբարակ և թեթև ուլտրաբուքեր՝ Ultra PC շարքից

17:48 • 19.01.15

LG ընկերությունը իր պաշտոնական կայքում հայտնել է, որ շուտով սպառողներին կներկայացնի Model 13Z940 և Model 14Z950 գերբարակ ուլտրաբուքները՝ Ultra PC շարքից, գրում է Technoguide-ը։


Նոր համակարգիչները ունեն Full HD 13,3 դյույմանոց էկրան (Model 13Z940) և 14 դյույմանոց էկրան։
 

Սարքերը կունենան հինգերորդ սերնդի Intel Core պրոցեսորներ, իսկ ձայնի համար պատասխանատու է լինելու HiFi Wolfson ձայնային չիպը։


Նոր սարքերը կարող են աշխատել մինչև 10,5 ժամ, ընդ որում կշռեն 980 գրամ, իսկ հաստությունը կկազմի 13.4 մմ։
 

Կազմակերպությունը այլ տեղեկություններ չի հայտնել նորույթի մասին։