Եղանակն՝ այսօր
Սեզար - 2015. հայտնի են դարձել Ֆրանսիայի ազգային կինոպարգևի հավակնորդները
Փարիզում հայտարարել են Ֆրանսիայի ազգային կինոմրցանակի՝ «Սեզարի» 2015-ի հավակնորդներին:
Ամենամեծ թվով հավակնորդեն կան Բերտրան Բոնելոյի կենսագրական «Սեն Լորան. ոճը ես եմ» ֆիլմից: Այս ժապավենը պայքարելու է միանգամից տասը մրցանակային տեղի համար:
«Սեզարի» հավակնում է նաև Օսկարի հավակնորդներից Աբդերրահման Սիսակոյի «Տիմբուկտուն»:
Լավագույն ֆիլմի կոչմանն են հավակնում Օլիվիե Ասայասի «Զիլս-Մարիան», Թոմ Քալյեի «Կործանիչներ», Ռոբին Կամպիլոյի «Տղաները արևելքից» և այլ ֆիլմեր:
Կնոջ լավագույն դերակատարման համար կպայքարեն Կատրին Դընյովը, Մարիյոն կոտիյարը, Ժյուլիետ Բինոշը, Քրիստեն Ստյուարտը:
Տղամարդու լավագույն դերակատարման համար տրվող արձանիկի համար կպայքարեն Գասպար Ուլելը, Պիեր Նինեն, Գիյոմ Կանեն, Վենսան Լակոստը և այլք:
Կինոյում իր ներդրման համար հատուկ մրցանակի կարժանանա ամերիկացի օսկարակիր դերասան Շոն Փենը:
Հեղինակավոր կինոմրցանակաբաշխությունը կկայանա փետրվարի 20-ին:
Studio One