Ավելի քան 500 ինդոնեզացի միացել է «Իսլամական պետությանը»
Ավելի քան 500 ինդոնեզացի մուսուլման միացել է Իրաքում և Սիրիայում գործող «Իսլամական պետություն» ահաբեկչական խմբավորմանը, տեղեկացնում է gazeta.ru-ն:
Խոշորագույն ինդոնեզական մուսուլմանական կազմակերպության առաջնորդը հաղորդել է, որ վերջին շրջանում «Իսլամական պետության» վերահսկողության տակ գտնվող տարածք է մեկնել առնվազն 514 մարդ:
Նա նշել է, որ Ինդոնեզիայում ակտիվորեն աշխատում են ահաբեկչական խմբավորման համար զինյալներ հավաքագրող անձինք:
«Իսլամական պետությունը» ծայրահեղական խմբավորում է, որն արգելված է աշխարհի շատ երկրներում:










