Samsung-ը ներկայացրել է S6 Edge կլորացված էկրանով սմարթֆոնը (լուսանկարներ)

Հարավկորեական Samsung տեխնոլոգիական ընկերությունը Բարսելոնայում ընթացող Mobile World Congress միջոցառման շրջանակում ներկայացրել է միանգամից 2 նոր սմարթֆոն` Galaxy S6-ն ու GALAXY S6 Edge-ը:

Ինչպես նշում է bbc.com-ը, հատկապես աչքի է ընկնում Samsung GALAXY S6 Edge-ը, որն ունի դեպի հեռախոսի աջ և ձախ կողմերը կորացող էկրան:

Յուրահատուկ դիզայնի շնորհիվ այն համարվում է լիովին նորարարական սարք, սակայն մտավախություն կա, որ օգտատերերը կդժվարանան այն օգտագործելու հարցում:

Ինչ վերաբերում է դրա տեխնիկական բնութագրին, ապա այն նման է GALAXY S6-ին: Հեռախոսն ունի որակյալ տեսախցիկ, արագ է աշխատում և համալրված է ամենաթարմ Android օպերացիոն համակարգով: