Google-ն ԱՄՆ-ում սեփական վիրտուալ բջջային ցանցը կգործարկի

Ամերիկյան Google տեխնոլոգիական ընկերությունը հաստատել է, որ մտադիր է Միացյալ Նահանգների տարածքում սեփական վիրտուալ բջջային ցանցը գործարկել:

Ինչպես նշում է telegraph.co.uk-ն, վիրտուալ բջջային ցանցի նպատակն է լինելու բարելավել անլար կապի որակն Android սարքերի օգտատերերի համար, ինչպես նաև ցուցադրել ընկերության տեխնոլոգիական նորույթները:

Նախագիծը, որը ներկայացվել է Բարսելոնայի Mobile World Congress միջոցառման ընթացքում, ստացել է Project Nova անվանումը:

Ցանցը հնարավորություն կտա օգտատերերին առանց ավելորդ դժվարությունների բջջային կապից անցում կատարել Wi-Fi կապին: