Nissan-ը գաղտնազերծել է նոր սերնդի Micra հեթչբեքի նախատիպը (լուսանկարներ)

Nissan ճապոնական մեքենաշինական ընկերությունը Ժնևի ավտոսրահում ներկայացրել է Sway  կոնցեպտային մեքենան, որը հանդիսանում է Micra  հեթչբեքի նոր սերնդի նախատիպը:

Ինչպես հայտնում է Корреспондент-ը` ներկա պահին տեղեկություն չկա, թե երբ շուկայում ի հայտ կգա Sway ոճով առաջին մոդելը:

Մեքենայի տեխնիկական բնութագրիչների մասին տեղեկություններ դեռևս չեն հաղորդվում: Ընկերությունը ներկայացրել է միայն մեքենայի դիզայնը և հայտնել չափսերը: Կոնցեպտային մեքենայի երկարությունը կազմում է 4 մ, լայնությունը` 1.78 մ, իսկ բարձրությունը` 1.35 մ:

Նախատիպը 23 սմ-ով ավելի երկար է, քան  ներկայիս սերնդի Micra մոդելը, միևնույն ժամանակ մեքենան 11.5 սմ-ով ավելի լայն է և 14 սմ-ով ավելի ցածր:

Nissan Micra-ն արտադրվում է 1982 թվականից:  Մոդելի չորրորդ սերնդի վաճառքը սկսվել է 2013-ին: