Ժնևում ներկայացվել են իտալացի և ֆրանսիացի ուսանողների նախագծած սուպերաքարերը (լուսանկարներ)

Ապագայի մեքենաների իրենց տեսլականը ներկայացրել են Իտալիայի Դիզայնի եվրոպական ինստիտուտն ու Espera Sbarro ֆրանսիական ավտոդպրոցը:

Ինչպես հայտնում է Корреспондент-ը` Ժնևի միջազգային ավտոսրահում Դիզայնի եվրոպական ինստիտուտի և ֆրանսիական ավտոդպրոցի ուսանողները  ներկայացրել են սուպերքարերի կոնցեպտային մոդելներ:  Իտալական մեքենան ստացել է Syrma անվանումը, իսկ ֆրանսիական մոդելը` Aria:

Syrma  կոնցեպտը ստեղծելու համար աշխատել է 10 հոգանոց թիմը: Մոդելը համալրվել է  հիբրիդային ուժային համակարգով,  որը ներառում է 4 լիտր ծավալով V6 տուրբո շարժիչը և էլակտրական շարժիչը, որոնց ընդհանուր  հզորությունը կազմում է 900 ձիաուժ:

Ֆրանսիական նախատիպը մշակել է 26 ուսանող, որոնց համար այս մոդելն առաջին ամբողջական նախագիծն է: Սուպերքարը հավաքելու համար 12 օր է ծախսվել: Aria-ն զինվել է 2 լիտր ծավալով 217 ձիաուժ հզորությամբ շարժիչով, որն աշխատում է 5 աստիճան փոխանցման տուփով:

Հիշեցնենք, որ Ժնևյան ավտոսրահում Bugatti-ն ներկյացրել է  պատմության վերջին Veyron մոդելը: