Պուտինը Ռուսաստանի և Հարավային Օսիայի միջև պայմանագիր ստորագրելու հրաման է արձակել
Ռուսաստանի նախագահ Վլադիմիր Պուտինը հանձնարարել է ստորագրել դաշնակցության և ինտեգրման մասին Ռուսաստանի և Հարավային Օսիայի միջև պայմանագիրը:
Այդ մասին ասված է իրավական տեղեկատվության պաշտոնական ինտերնետային պորտալում, հաղորդում է gazeta.ru-ն:
Ինչպես նշվում է՝ Ռուսաստանի արտաքին քաղաքական գերատեսչությանը հարավօսական կողմի հետ բանակցությունների ընթացքում թույլ է տրված կառավարության կողմից հաստատված պայմանագրի նախագծում փոփոխություններ մտցնել, որոնք չունեն սկզբունքային բնույթ:
Ավելի վաղ հայտնի է դարձել, որ Ռուսաստանի կառավարությունը նախագահ Վլադիմիր Պուտինի ստորագրմանն է ուղղել Հարավային Օսիայի հետ դաշնակցության և ինտեգրման մասին պայմանագիրը: Պայմանագիրը կնքվում է 25 տարով՝ հնարավոր երկարաձգմամբ:










