ԲՀԿ մամուլի խոսնակի պարտականությունները ժամանակավորապես կկատարի պատգամավոր Վ. Բաբայանը

12:57 • 06.03.15

«Բարգավաճ Հայաստան» կուսակցության մամուլի քարտուղարի պարտականությունները ժամանակավորապես դրվել են խմբակցության պատգամավոր Վահան Բաբայանի վրա:


Այս մասին  Tert.am-ի հետ զրույցում ասաց ԲՀԿ նորընտիր նախագահ Նաիրա Զոհրաբյանը՝ ի պատասխան հարցի, որ Տիգրան Ուրիխանյանն արդեն գրեթե բոլոր լրատվամիջոցներին տեղեկացրել է, որ հրաժարվում է կուսակցության մամուլի խոսնակի պարտականություններից:


«Այո, Տիգրան Ուրիխանյանը նաև մեզ տեղեկացրեց, որ հրաժարվում է մամուլի խոսնակի պարտականություններից և կուսակցության որոշմամբ՝ «Բարգավաճ Հայաստան» կուսակցության մամուլի խոսնակի պարտականությունները հենց այսօրվանից ժամանակավորապես կդրվեն ԱԺ պատգամավոր Վահան Բաբայանի վրա»,-մանրամասնեց Նաիրա Զոհրաբյանը: