Հայաստան ժամանած զբոսաշրջիկների թիվն ավելացել է 11.3%-ով

21:04 • 07.03.15

2014թ. հունվար-դեկտեմբերին հանրապետություն է ժամանել 1 մլն 203 հազ. 746 զբոսաշրջիկ, ինչը 2013թ-ի նույն ցուցանիշի համեմատ ավելացել է 11.3%-ով: Այս մասին տեղեկանում ենք Ազգային վիճակագրական ծառայության հրապարակումներից:


2014 թ. հունվար-դեկտեմբերին զբոսաշրջության նպատակով հանրապետությունից մեկնել է 1 մլն 198 հազ. 60 մարդ : Այս ցուցանիշը 2013թ. համապատասխան ժամանակաշրջանի նկատմամբ աճել է 10.9%-ով:


ԱՎԾ-ն տեղեկացնում է, որ ըստ հյուրանոցային տնտեսության օբյեկտներից ստացված հաշվետվությունների տվյալների` 2014թ. հունվար-դեկտեմբերին ՀՀ այցելած զբոսաշրջիկների 31.4%-ը բաժին է ընկել ԱՊՀ երկրներին, 30.1%-ը` ԵՄ երկրներին և 38.5%` այլ երկրների: