Ռուսաստանում ադրբեջանցի գործարար է սպանվել

14:37 • 07.03.15

Ռուսաստանի Դաշնությունում ևս մեկ ադրբեջանցի է սպանվել:

 

Ինչպես տեղեկացնում է ադրբեջանական ԱՊԱ գործակալությունը, այդ մասին հայտնել են Ռուսաստանում բնակվող ադրբեջանցիները:

 

Միջադեպը տեղի է ունեցել Վորոնեժի մարզում: Ռուսաստանի քաղաքացի, ադրբեջանական ծագումով Շահին Հասանովին անհայտ անձինք դանակի մահացու հարված են հասցրել:

 

Նրա դին ուղարկվել է Ադրբեջան:

 

Նրա եղբայրը՝ Հասան Հասանովը, ցմահ ազատազրկման է դատապարտված եղել ծանր հանցագործության համար և մի քանի տարի առաջ մահացել է ռուսական բանտում:

 

Նշվում է, որ Հասանովը Ռուսաստանում գործարար է եղել:

 

Հիշեցնենք, որ երեկ Ռուսաստանում Ադրբեջանի քաղաքացի էր սպանվել. սպանությունը տեղի էր ունեցել Դոմոդեդովո քաղաքում։