Նեմցովի սպանության գործով քննարկվում է արտերկրի պատվիրատուների գոյության վարկածը
Ռուսաստանի իրավապահ մարմինները քննարկում են ընդդիմադիր Բորիս Նեմցովի սպանության գործով արտերկրից պատվիրատուների գոյության վարկածը:
Ինչպես տեղեկացնում է Интерфакс գործակալությունը, այդ մասին հայտնել է իրավիճակին ծանոթ աղբյուրը:
«Այս հանցագործության հետքերը կարող են հասնել արտերկիր: Այդ տարբերակն ակտիվորեն է շրջանառվում»,- հայտարարել է աղբյուրը:
Նրա խոսքով՝ «քննարկվում են նաև ավելի վաղ հնչեցված վարկածները»:
Ավելի վաղ Մարդու իրավունքների նախագահական խորհրդի ղեկավար Միխայիլ Ֆեդոտովը հայտարարել էր, որ իրավապահ մարմիններին կհաջողվի պարզել և ձերբակալել Բորիս Նեմցովի սպանության գործում բոլոր կասկածյալներին:










