Եղանակն՝ այսօր
ՀՀ ԿԲ-ն այս պահի դրությամբ որևէ ծրագիր չունի ԵՏՄ միասնական արժույթի անցնելու հարցի շուրջ
ՀՀ Կենտրոնական բանկը այս պահի դրությամբ որևէ ծրագիր չունի ու Եվրասիական տնտեսական միության շրջանակում որևէ բանակցություն չի վարել՝ միասնական արժույթի անցնելու հարցով:
Այս մասին ՀՀ կենտրոնական բանկի տեղեկատվության և հասարակայնության հետ կապերի բաժնից տեղեկացրին Tert.am-ին:
Հիշեցնենք, որ երեկ հայտնի դարձավ, որ ՌԴ Նախագահ Վլադիմիր Պուտինը հանձնարարել է Ռուսաստանի բանկին և կառավարությանը «որոշել Եվրասիական տնտեսական միության շրջանակում արժութային և ֆինանսական ոլորտներում ինտեգրման հետագա ուղղությունները՝ ուսումնասիրելով ապագայում արժութային միության ստեղծման նպատակահարմարությունն ու հնարավորությունը»:
ԿԲ-ից մեզ նաև հայտնեցին, որ ՌԴ Նախագահի հանձնարարականը վերաբերում է միասնական արժույթի նպատակահարմարության ուսումնասիրմանը, իսկ ԵՏՄ անդամակցության շրջանակներում ստորագրված փաստաթղթերում այս հարցի հետ կապված որևէ փաստաթուղթ գոյություն չունի:
Studio One