Ամերիկացի հնագետները մ.թ.ա. կառուցված եգիպտական երկու դամբարան են պեղել (լուսանկարներ, տեսանյութ)

Ամերիկացի հնագետները եգիպտական Լուքսոր քաղաքի մոտակայքում մ.թ.ա կառուցված եգիպտական երկու դամբարան են պեղել, գրում է Daily Mail-ը:

Երկու դամբարաններն էլ ունեն հիանալի պահպանված պատեր, որոնք զարդարված են նկարներով և պատկերներով:

Գիտնականները գտնում են, որ դրանք հավանաբար պատկանել են եգիպտական Նոր թագավորության 18-րդ արքայատոհմին: Դա նշանակում է, որ դամբարանները կառուցվել են մ.թ.ա. 1543-1292 թվականներին:

Լուքսոր քաղաքը գտնվում է Եգիպտոսի Քենա նահանգապետությունում՝ Նեղոսի աջ ափին:

Հնագետները դեռ շատ անելիքներ ունեն բացահայտելու համար այլ մանրամասներ՝ կապված արքայատոհմի, դամբարանների պարունակության և դրանց թվագրման հետ: