Եգիպտոսում գերմանացի զբոսաշրջիկը մահացել է շնաձկան հարձակման հետևանքով

19:26 • 22.03.15

Գերմանացի զբոսաշրջիկը մահացել է շնաձկան հարձակման հետևանքով եգիպտական Էլ-Կուսեյր հանգստավայրում` Կարմիր ծովի ափին: 


Ինչպես հաղորդում է Корреспондент-ը` վկայակոչելով  տեղի ԶԼՄ-ների տվյալները, շնաձուկը կծել է զբոսաշրջիկի ոտքը, իսկ վերջինս մահացել է հիվանդանոցի ճանապարհին:


Ըստ աղբյուրի՝ սա Եգիպտոսում վերջին 5 տարում շնաձկան առաջին հարձակման դեպքն էր մարդու վրա: 2010-ին Կարմիր ծովի ափին գտնվող մեկ այլ եգիպտական հանգստավայրում  շնաձկան հարձակման հետևանքով տուժել էին  3 ռուս զբոսաշրջիկ և մահացել էր գերմանուհի:


Այն ժամանակ ծովային կենդանիները մի շարք հարձակումներ էին գործել հանգստացողների վրա, որից հետո Եգիպտոսի իշխանություններն ստիպված էին մեկ շաբաթով փակել Շարմ Էլ Շեյխ քաղաքի հանրահայտ հանգստավայրերը: