ԱՄՆ-ն Եմենից տարհանում է իր ողջ զորակազմը
ԱՄՆ-ն անվտանգության նկատառումներից ելնելով տարհանում է Եմենում մնացած զինվորական ողջ կազմը, գրում է kommersant.ru-ն:
«Երկրում իրավիճակի վատթարացման կապակցությամբ ԱՄՆ-ի կառավարությունը մտադիր է ժամանակավորապես հեռացնել իր ողջ անձնակազմը Եմենից»,– հայտարարել է ԱՄՆ պետքարտուղարության մամուլի ծառայության ղեկավար Ջեֆ Ռատկեն:
Միևնույն ժամանակ, Ռատկեն ավելացրել է, որ ԱՄՆ-ը շարունակելու է համագործակցել միջազգային հանրության հետ Եմենում քաղաքական անցումն աջակցելու համար:
Եմենի նախագահն արդեն տեղեկացվել է ԱՄՆ–ի այս որոշման մասին:










