Անկարան պատրաստ է աջակցել Իրաքին. Դավութօղլու

12:06 • 23.03.15

Թուրքիայի արտգործնախարար Ահմեթ Դավութօղլուն հեռախոսազրույց է ունեցել Իրաքի վարչապետ Հայդար ալ-Աբադիի հետ, տեղեկացնում է թուրքական «Անադոլու» գործակալությունը։

 

Հեռախոսազրույցը կայացել է իրաքյան կողմի նախաձեռնությամբ։

 

Դավութօղլուն տեղեկացել է Իրաքում առկա վերջին իրադրության մասին և նշել է, որ Թուրքիան պատրաստ է աջակցել Իրաքի անվտանգության, միասնության ու տարածքային ամբողջականության համար պայքարին։

 

Իրաքի վարչապետը նշել է, թե գիտակցում է Թուրքիայի աջակցության կարևորությունը, ինչի համար շնորհակալություն է հայտնել։

 

2014 թվականին «Իսլամական պետություն» ահաբեկչական խմբավորումը մեծ տարածքներ է գրավել Սիրիայի և Իրաքի տարածքում՝ այնտեղ խալիֆայություն հռչակելով։

 

Իրաքի կառավարական զորքը պայքար է մղում ԻՊ-ի դեմ՝ փորձելով վերագրավել նրա տնօրինության տակ հայտնված բնակավայրերը։