Ավելի քան 30 մարդ է զոհվել Պերուում ավտովթարի հետևանքով
Murga Serrano ընկերության ավտոբուսը դուրս է եկել հանդիպակաց գիծ և բախվել երկու ավտոբուսի ու բեռնատար ավտոմեքենայի: Ավտովթարի հետևանքով վիրավորվել է մոտ 70 մարդ, հաղորդում է BBC-ի ռուսական ծառայությունը:
Հաղորդվում է, որ վարորդը, որի պատճառով տեղի է ունեցել ավտովթարը, տեղափոխում էր «Համաշխարհային միսիոներական շարժում» քրիստոնեական կազմակերպության պատվիրակությունը:
Ավտովթարը տեղի է ունեցել Ուարմեյ քաղաքի մոտակայքում, որը գտնվում է մայրաքաղաք Լիմայից 320 կիլոմետր դեպի հյուսիս:










