Չինացին 170.000.000 տարի անփոփոխ մնացած հազվագյուտ սալամանդր է հայտնաբերել (լուսանկարներ)
Չինաստանի հարավային հատվածում մի տղամարդ հսկայական վայրի սալամանդր է հայտնաբերել, որին հաճախ անվանում են «կենդանի բրածո»` 170 մլն տարի շարունակ անփոփոխ տեսքով մնալու պատճառով:
Ինչպես նշում է dailymail.co.uk-ը, տղամարդն ուղղակի ապշել է` տեսնելով գետում անվրդով լողացող հազվագյուտ կենդանուն: Դրան ջրից հանելուց ու լուսանկարելուց հետո նա կենդանուն կրկին ազատ է արձակել: Հայտնի է, որ այն ունեցել է 83 սմ երկարություն, 5.5 կգ քաշ:
Պարբերականը մանրամասնում է, որ 170 մլն տարվա պատմություն ունեցող կենդանատեսակից շատ քիչ ներկայացուցիչներ են մնացել վայրի բնության մեջ: Նշվում է, որ դրանց տեսքը գրեթե չի փոխվել Յուրայի դարաշրջանից սկսած:















