Նոր չկպչող պատերով շիշը կօգնի կետչուպի սիրահարներին առանց ջանքերի դուրս բերել այն (տեսանյութեր)

ԱՄՆ Մասաչուսեթս նահանգում LiquiGlide ընկերությունը Elmers Brand Glue And Adhesives սոսնձի արտադրությամբ զբաղվող ընկերության հետ համագործակցելու արդյունքում ստեղծել է այնպիսի շիշ, որի պարունակությունը չի կպչում պատերին, այլ հեշտորեն դուրս է թափվում, գրում է metro.co.uk-ը:

Ընկերությունը մտադիր է այն օգտագործել կետչուպի և այլ մածուկների պահածոյացման համար, որոնք հեշտությամբ դուրս կգան՝ առանց շատ ջանք թափելու կամ շիշը թափահարելու:

Ընկերությունը կատակել է, թե եկել է հայտնի Heinz ընկերության գովազդում շշերից կետչուպի դանդաղ թափվելու վերջը: 

LiquiGlide-ից հայտնել են, որ իրենք դեռ մշակում են նոր տեխնոլոգիան և բաց են զանգվածային արտադրություն սկսելու առաջարկների համար:  

LiquiGlide ընկերության շիշը

Heinz ընկերության գովազդը