Բրիտանացի դիզայներն էկո-կահույք է «աճեցնում» (լուսանկարներ)

Բրիտանացի դիզայներ Գևին Մունրոն հետաքրքիր այլընտրանք է գտել կահույք ստեղծելու հարցում: Իրականում հնարամիտ բրիտանացու փոխարեն աշխատանքային ողջ գործընթացն իր վրա է վերցրել Մայր բնությունը:

Ինչպես նշում է dailymail.co.uk-ը, Մունրոն ծառերն այնպես է աճեցնում ու հետևում դրանց բնի և ճյուղերի ճիշտ ձևավորմանը, որ արդյունքում ստացվում են էկո-կահույքի օրիգինալ նմուշներ:

Նրա առաջին աշխատանքներն այնպիսի հաջողություն են ունեցել, որ այժմ 39-ամյա բրիտանացին Դերբիշիր բնակավայրում մի ամբողջ դաշտ է վերցրել, որտեղ պատրաստվում է «աճեցնել» 400 սեղան, աթոռ ու կահավորման մի քանի այլ պարագա:

Մունրոյի կանխատեսման համաձայն՝ ինքն արդեն պատրաստի կահույքի «բերքը» կհավաքի 2016թ., իսկ հաջորդ տարի այն արդեն հնարավոր կլինի ձեռք բերել: