Volkswagen-ը ներկայացրել է իր երկրորդ վիրտուալ մոդելը Gran Turismo 6-ի համար

Գերմանական Volkswagen ընկերությունը ցուցադրել է Gran Turismo 6  մրցարշավային խաղի համար նախատեսված երկրորդ վիրտուալ մոդելը` GTI Supersport հեթչբեքը:

Ինչպես գրում է Rbc.ru-ն` այս մասին տեղեկությունն ապրիլի 14-ին հայտնվել է համակարգչային խաղի պաշտոնական կայքէջում: Երկտեղանի մրցարշավային մեքենայի  դիզայնում Golf-ի տարրեր են նկատվում, ինչպես օրինակ` վերին նեղ և ստորին լայն գծերը, որոնք զարդարում են մեքենայի կողերը:

Վիրտուալ մեքենան ստացել է 20 դյույմանոց անվահեծեր: Լուսարձակները միացված են սպոյլերով, որով ընդգծվում է մոդելի լայնությունը:

GTI Supersport-ը ստացել է 6 մխոցային TSI շարժիչը` 503 ձիաուժ հզորությամբ, 7 աստիճան փոխանցման տուփով: Վիրտուալ մոդելը հասանելի կլինի 4 երանգով`  արծաթագույն, կարմիր, կապույտ և սպիտակ: