Bentley ընկերության մեքենաները ամենաանվստահելին են ճանաչվել

Գերմանական ավտոմեքենաները ճանաչվել են ամենաանվստահելիները, իսկ ճապոնականները` ամենավստահելիները:  Euromag-ի հաղորդմամբ` այս մասին փաստում են բրիտանացի փորձագետները:

Հարցում է անցկացվել  Բրիտանիայում բնակվող  50 000 վարորդի շրջանում, որի հիման վրա փորձագետները որակի չափորոշիչների  աղյուսակ են կազմել: Գերմանական ավտոարտադրողները աղյուսակում զբաղեցրել են վերջին վեց տեղը, իսկ ճապոնականները` առաջին 4 դիրքը:

Ինչպես ընդգծում  է BBC News-ը` դա հակասում է գերմանական ավտոտեխնիկայի որակի մասին ավանդական պատկերացումներին:

Bentley  ընկերության մեքենաները, որը պատկանում է Volkswagen կոնցեռնին և զբաղվում է լյուքս դասի մեքենաների արտադրությամբ, ամենաանվստահելին են ճանաչվել 37 ապրանքանիշից:  

Mercedes, Audi և Porsche ավտոարտադրողները ևս ցածր ցուցանիշներ են գրանցել աղյուսակում: