ԿԽՄԿ ներկայացուցիչները հանդիպել են ադրբեջանական սահմանը հատած հայ զինծառայողին

13:48 • 01.05.15

Կարմիր խաչի միջազգային կոմիտեի ադրբեջանական ներկայացուցչության աշխատակիցներն այցելել են մարտի 22-ին շփման գիծը հատած հայ զինծառայող Անդրանիկ Գրիգորյանին։

 

Ինչպես տեղեկացնում է ադրբեջանական ԱՊԱ գործակալությունը, ԿԽՄԿ Բաքվի ներկայացուցչության հասարակայնության հետ կապերի բաժնի ղեկավար Իլահա Հուսեյնովան հաղորդել է, որ այցը կայացել է ապրիլի 27-ին։

 

Կոմիտեի միջոցով Անդրանիկ Գրիգորյանն ու նրա հարազատները տեղեկատվություն են փոխանակել։

 

Հիշեցնենք, որ մարտի 22-ին Անդրանիկ Արարատի Գրիգորյանը հատել էր սահմանն ու հայտնվել ադրբեջանական կողմում։