Թաիլանդում ստրկավաճառների ճամբարում 30 գերեզման են գտել
Թաիլանդում ստրկավաճառների ճամբարում ոստիկանությունը հայտնաբերել է շուրջ 30 գերեզման և մեկ տղամարդու, ով վերապրել է ճամբարի սարսափները, գրում է CNN-ը:
Human Rights Watch իրավապաշտպան կազմակերպության ներկայացուցիչները հայտնել են, որ մահացածները Մյանմայից և Բանգլադեշից մահմեդականներ են եղել, ովքեր «սովամահ են եղել բանտարկված լինելու ժամանակ»:
Ճամբարը շրջափակված է, ոստիկանությունը սպասում է դատական փորձագետների ժամանմանը:
Նշվում է, որ վերապրած տղամարդը ծայրահեղ ծանր վիճակում է գտնվում, նրան բժշկական օգնություն են տրամադրել:










