«Իսլամական պետության» անդամները Իրաքում 300 եզդի են սպանել

11:41 • 03.05.15

«Իսլամական պետություն» խմբավորման անդամները Իրաքում 300 եզդի գերիների են սպանել, գրում է BBC-ն:


Ըստ եզդի համայնքի տվյալների, նրանց սպանել են ուրբաթ օրը Մոսուլ քաղաքից դեպի արևմուտք` Տալ-Աֆար շրջանում:


Իրաքի փոխնախագահ Ուսամա Նուջայֆին այդ սպանությունները սարսափելի և բարբարոսական է անվանել:


BBC-ի Մերձավոր Արևելքի նորությունների բաժնի խմբագիր Ալան Ջոնսոնը նշել է, որ դեռևս պարզ չէ, թե ինչո՞ւ են եզդիներին սպանել հենց հիմա: