ԼՂ ԱԺ ընտրություններին քաղաքական գնահատական տալը տեղին չէ. Լեհաստանի դեսպան

14:13 • 04.05.15

 


Լեռնային Ղարաբաղի Հանրապետության ճանաչման հարցը առկախված է, ԵՄ ոչ մի եմ պետություն չի ճանաչել այն, ուստի քաղաքական գնահատական տալը տեղին չէ, քանի որ նման գնահատական չկա:


Այս մասին այսօր մամուլի ասուլիսին ասաց ՀՀ-ում Լեհաստանի Հանրապետության արտակարգ և լիազոր դեսպան Եժի Նովակովսկին՝ պատասխանելով հարցին, թե ինչպես է գնահատում երեկ անցկացված Արցախի խորհրդարանական ընտրություններն:
 

Նա նշեց, որ Լեհաստանը հետևում է Մինսկի խմբի գործունեությանը և հղում կատարելով վերջինիս հայտարարությանը՝ ասաց, որ  ժողովուրդն իրավունք ունի որոշել իր ապագան:
 

«Լեհաստանի կառավարության տեսանկյունից՝ Ղարաբաղը մի տարածք է, որը իրավական կարգավիճակ չունի և պետություն չի համարվում»,-ասաց նա: