ԱՄՆ հատուկ ծառայությունները լրտեսել են եվրոպացիներին առնվազն մինչև 2013 թվականը. լրատվամիջոցներ
Ամերիկյան հատուկ ծառայությունները լրտեսական տեղեկություններ են հավաքել՝ հետևելով Եվրոպայում, մասնավորապես՝ Գերմանիայում թիրախներին ընդհուպ մինչև 2013 թվականը, գրում է Deutsche Welle-ի ռուսական ծառայությունը:
Այդ մասին հայտնի է դարձել դաշնային կառավարությանը հասցեագրված BND գերմանական հետախուզության գաղտնի փաստաթղթից:
Գաղտնի փաստաթղթում ընդգծվում է, որ ամերիկյան լրտեսությունը հակասել է Գերմանիայի շահերին:
Փաստաթղթին ծանոթանալու հնարավորություն ունեցած հեռուստալրագրողների տվյալներով՝ ԱՄՆ ազգային անվտանգության գործակալությունը հասանելիություն է ունեցել եվրոպացի քաղաքական գործիչների, Եվրամիության անդամ պետությունների նախարարությունների և ԵՄ ինստիտուտների, ինչպես նաև տարբեր գերմանական ընկերությունների էլեկտրոնային նամակագրությանը:










