Հավայիներում ժայթքել է Կիլաուեա հրաբուխը (լուսանկարներ, տեսանյութ)
Էքստրեմալ զգացողությունների սիրահարներին, անշուշտ, դուր կգան ստորև ներկայացված տեսանյութն ու լուսանկարները, որոնցում պատկերված է հավայան հրաբուխներից մեկի՝ Կիլաուեայի անսպասելի ժայթքումը:
Ինչպես նշում է dailymail.co.uk-ը, Հալեմաումաու կոչվող ակտիվ հրաբխի խառնարանի պատերից մեկն անսպասելիորեն պայթել է, ինչի հետևանքով արտանետվել է շիկացած լավայի հսկայական քանակություն:
Ըստ մասնագետների՝ կիրակի օրվանից լավայի հոսքը չի դադարում: Այն այնքան ուժեղ է, որ անցած 40 տարվա ընթացքում առաջին անգամ հոսող լավան տեսանելի է մի քանի կմ հեռավորությունից:
Աղբյուրը մանրամասնում է, որ հրաբխի ակտիվությունը նկատվում է 2008թ. ի վեր:














