Իրանում տղամարդկանց արգելել են դաջվածք և «սատանիստական» սանրվածքներ անել
Իրանի իշխանություններն արգելել են տղամարդկանց որոշ տարածված սանրվածքներ անել, որոնք «սատանայական» են ճանաչվել, հաղորդում է interfax.ru-ն:
«Այսուհետ սատանայի պաշտամունքին վերաբերող սանրվածքներն արգելված են»,- հայտարարել է Տղամարդկանց վարսահարդարների իրանական ասոցիացիայի ղեկավար Մուստաֆա Գովահին:
Նա, սակայն, չի հստակեցրել, թե ինչ սանրվածքների մասին է խոսքը: Սակայն, ինչպես նշում են ԶԼՄ-ները, արգելքը կվերաբերի մասնավորապես սանրվածքներին, որոնց ժամանակ մազերը վերև են բարձրացված:
Գովահին սպառնացել է վերցնել արտոնագրերն այն գեղեցկության սրահներից, որոնք կհամաձայնեն «իսլամական ռեժիմի կանոնները խախտող» սանրվածքներ անել:
Բացի այդ, նոր կանոններն արգելում են տղամարդկանց գնալ սոլյարի, հանել հոնքերը, ինչպես նաև դաջվածքներ անել:










