Ձերբակալվել են Նյու Յորք նահանգի սենատի նախագահն ու նրա որդին

10:51 • 05.05.15

ԱՄՆ Նյու Յորք նահանգի սենատի նախագահ Դին Սկելոսն ու նրա որդին՝ Ադամը, ձերբակալվել են շանտաժի ու խարդախության մեղադրանքներով:

 

Այդ մասին գրում է The New York Times թերթը:

 

67-ամյա սենատորն ու նրա 32-ամյա որդին «գումար վաստակելու» մեխանիզմ են մշակել՝ օգտագործելով Սկելոս ավագի ծառայողական դիրքը:

 

Նրանք գումար են պահանջել Նյու Յորքի Լոնգ Այլենդ շրջանի ընկերությունից, ինչպես նաև Արիզոնայի էկոլոգիական ուղղություն ունեցող ընկերությունից:

 

Մեղադրանքում, մասնավորապես, նշվում է, որ սենատորն աջակցել է ենթակառուցվաածքային ծրագրերին ու որոշակի օրենքների քարոզչություն իրականացրել:

 

Դրա համար 5 տարում նա ընդհանուր առմամբ որդու միջոցով 220 հազար դոլար է ստացել: