Ինտերպոլը համաշխարհային տերություններին զգուշացրել է հայտնի նիհարեցնող միջոցի վտանգավոր լինելու մասին

23:46 • 06.05.15

Դինիտրոֆենոլ միացությունները (DNP) հաճախ ավելացնում են քաշի նվազմանը նպաստող նյութերում, որոնք նաև օգնում են մկանների զարգացմանը: Դա չափազանց վտանգավոր է և անգամ` մահացու:
Ինչպես գրում է meddaily.ru-ն` Vademecum-ին հղումով, այդ է պատճառը, որ DNP-ն հայտնվել է Ինտերպոլի ուշադրության կենտրոնում: Գործակալությունը ողջ աշխարհով մեկ նախազգուշացում է տարածել միացության վնասակարության մասին: 


DNP-ն  ճարպ հալեցնող ազդեցություն է գործում,  բացի այդ՝ այն օգտագործվում է որպես հումք՝ պայթուցիկներ պատրաստելու համար: Ինտեպոլը «նարնջագույն նախազգուշացում» է հայտարարել DNP-ի նկատմամբ այն բանից հետո,  երբ դրա ընդունման հետևանքով Մեծ Բրիտանիայում մահացության, իսկ Ֆրանսիայում՝ լուրջ հիվանդության դեպք է գրանցվել:

 

Ինտերպոլը նամակ է հղել 190 անդամ-երկրի առողջապահական մարմիններին: DNP-ն սովորաբար վաճառվում է դեղին փոշու կամ դեղապատիճների տեսքով: