Դուբայում կբացվի արևային էներգիայով գործող առաջին հյուրանոցը

Աշխարհում առաջին հյուրանոցը, որը կգործի ամբողջությամբ արևային մարտկոցների աշխատանքից ստացված էլեկտրաէներգիայով, կբացվի Արաբական Միացյալ Էմիրություններում, 2017 թվականի առաջին կիսամյակում, գրում է lenta.ru-ն: Այդ մասին հաղորդվում է InterContinental Hotels Group ընկերության կայքում:

170 սենյակ ունեցող Indigo հյուրանոցում նաև ամբողջությամբ կվերամշակվեն կոյուղու ջրերը և թափոնները:

Հյուրանոցը կկառուցվի Դուբայի նոր բնակելի թաղամասերից մեկում, որը նախատեսվում է դարձնել էկոլոգիապես մաքուր:

Կառուցապատող ընկերության գործադիր տնօրեն Ֆարիս Սաիդը պատմել է, որ հյուրանոցը միացված կլինի քաղաքային էլեկտրացանցին: Այդկերպ արտադրվող էներգիայի ավելցուկը հնարավոր կլինի վաճառել այլ սպառողների: Սաիդի խոսքով՝ դա թույլ կտա նվազեցնել էլեկտրաէներգիայի արժեքը մոտ 25-30 տոկոսով: